Mei Waltraud isch zemlich gloi, a Häddele ond hot Steggelesfiaß en ihre gloine Schüala
Mei Edeltraud isch zemlich grauß, a bißle broid, aber s`goht no: An de Fiaß hot se jessasmäßige Quadratlatscha - daher kommt au ihr graziles Gloif.
D`Waltraud woiß älles besser - se isch hald a Käbbsele - Trotzdem ka i mit derra prima gschirra
D´Edeltraud ka manchmal a firchterlichs Gschiss macha, wenn i bloß a bißle z´schpäd komm. - Trotzdem ka i mit derra prima gschirra
D´Waltraud mag am liebschda s´Kneisle vom Brot ond isst dr Äpfel mit samt am Butza. Do ka se ja nex auf d´Ribba krigga. Dui braucht sich ed wondra.
D´Edeltraud mag Grombiera mit Bebbeleskehl. Obends braucht se emmer no a baar Betthupferla, was zwangsleifig zu derra quadratische Figur fihrt. Dui braucht sich ed wondra ... .
Wohna den mr do henda domma dieba. So jetzt hemmr gnuag gsait.
Ond zom Schluss no onser Lieblingslied, der schwätzt a bissle komisch aber er moint das er hait koi Milch me mog.
